Бугун Наманганда Олий лиганинг 21-туридан ўрин олган «Навбаҳор» ҳамда «Металлург» жамоалари ўртасидаги ўйин бўлади.

Мазкур учрашув олдидан Ойбек Қиличевнинг фикрларига қулоқ тутдик.

- Бугун албатта оғир ўйин бўлади. «Металлург» ёпиқ ўйин кўрсатган ҳолда натижани сақлаб қолишга уринади. Бизни фақат ва фақат ғалаба қаноатлантиради. Ўз майдонимизда мағлуб бўлмаслик анъанасини давом эттиришни хоҳлаймиз. Жамоадошларим билан ушбу учрашувга жиддий ҳозирлик кўрдик. Тайёргарликларимиз самарасини бугун кўришимизга ишонаман. Мухлисларимизни эса жамоани қўллаб-қувватлашга чорлайман. Бугун ишқибозларимизни уялтириб қўймаймиз, - деди О. Қиличев.

Эслатиб ўтамиз, «Навбаҳор»-«Металлург» учрашуви бугун 18:00 да бошланади.