Bugun Namanganda Oliy liganing 21-turidan o‘rin olgan «Navbahor» hamda «Metallurg» jamoalari o‘rtasidagi o‘yin bo‘ladi.
Mazkur uchrashuv oldidan Oybek Qilichevning fikrlariga quloq tutdik.
- Bugun albatta og‘ir o‘yin bo‘ladi. «Metallurg» yopiq o‘yin ko‘rsatgan holda natijani saqlab qolishga urinadi. Bizni faqat va faqat g‘alaba qanoatlantiradi. O‘z maydonimizda mag‘lub bo‘lmaslik an’anasini davom ettirishni xohlaymiz. Jamoadoshlarim bilan ushbu uchrashuvga jiddiy hozirlik ko‘rdik. Tayyorgarliklarimiz samarasini bugun ko‘rishimizga ishonaman. Muxlislarimizni esa jamoani qo‘llab-quvvatlashga chorlayman. Bugun ishqibozlarimizni uyaltirib qo‘ymaymiz, - dedi O. Qilichev.
Eslatib o‘tamiz, «Navbahor»-«Metallurg» uchrashuvi bugun 18:00 da boshlanadi.
