“Арсенал” клуби ярим ҳимоячиси Месут Ўзил “Лондон дерби”сида жамоасига ёрдам бера олмайди.
Германиялик футболчи шанба кунги машғулотларни ўтказиб юборган ва “Арсенал”нинг “Челси”га қарши сафар учрашувида “заявка”га киритилмайди.
Маълум бўлишича, Ўзилнинг оёқ мушакларида бироз оғриқ кузатилган. Ҳозирда жароҳат ҳолати номаълум.
Шунингдек, Ўзил Европа Лигасида “Кёльн”га қарши учрашув (3:1) ни ҳам ўтказиб юборганди.
Эслатиб ўтамиз, “Челси” – “Арсенал” учрашуви бугун, 17 сентябрь куни Тошкент вақти билан 17:30 да бошланади.