Туриннинг “Ювентуса” клуби ҳужумчиси Пауло Дибала Италия “А” серияси 4-туридан ўрин олган “Сассуоло”га қарши учрашувда хет-трик муаллифига айланди.
Гап шундаки, аргентиналик ҳужумчи ўзининг “Ювентус”даги 100-юбилей учрашувида юбилей 50-голини урди.
Шунингдек, Дибала “Ювентус” таркибида Италия “А” сериясининг кетма-кет 4 учрашувида гол урган ягона футболчига айланди.
Маълумот учун, 23 ёшли ҳужумчи бундан аввал “Кальяри” (3:0), “Женоа” (4:2) ва “Кьево” (3:0) жамоалари дарвозасини ишғол қилганди. “Женоа”га қарши учрашувда эса бугунгидек хет-трик нишонлашга муваффақ бўлганди.
