“Тоттенхэм” ва Англия терма жамоаси ҳужумчиси Деле Алли клуб раҳбарияти билан янги шартнома борасида музокаралар олиб бормоқда.
Хавбек ҳафтасига 100 минг фунт (113 минг евро) маош олишни истайди, деб хабар беради The Sun.
Айни дамда клубдаги энг катта маош Гарри Кейн ва Уго Льорисларга тегмоқда. Агарда раҳбарият Аллининг маошини кўтармаса, жамоадан кетиши мумкин.
Ўтган мавсумда 21 ёшли футболчи жамоа билан шартномасини узайтирди. Келишув 2022 йилга қадар давом этади. Шартномага кўра, Алли ҳафтасига 45 минг фунт маош ишлаб топади.
