Франция терма жамоасининг собиқ футболчиси Кристоф Дюгарри ПСЖ аъзолари Эдинсон Кавани ва Неймарнинг ўзаро тортишуви борасида гапирди.
“Неймар — яхши футболчи, бироқ ПСЖнинг бошлиғи эмас. Агар шундай давом этса, у жамоани машғулот қилдиради ва таркибни аниқлайди.
Эмери вазиятни тезроқ бартараф этиши керак. Агарда Неймар совринлар ютишда катта ёрдам бериб, ўзининг қадриятини ошира олса, албатта, жамоада "бошлиқ" бўла олади.
Кавани ПСЖ тўрт йилдан буён ўйнамоқда. У бировнинг ҳаётини қийинлаштирадиган инсон эмас. У ҳар бир ўйинда югуради, ҳеч кимга арз қилмайди ва бунга йўл қўймайди", дейди Дюгарри.
Эслатиб ўтамиз, Фрнция чемпионатининг 6-тури доирасида ПСЖ - "Лион" учрашувида Кавани ва Неймар пенальтини тепиш борасида жанжаллашиб қолди. Кавани эса 11 метрлик жаримадан дарвозани ишғол қила олмади.
