Олий лига 19-турининг қолдирилган ўйинида "Пахтакор" - "Машъал" ўйини ўтказилади.
Бу икки клубнинг йўллари олий лига ўйинларида 33 бор кесишган. Устунлик “Пахтакор” томонида. 22та ўйинда тошкентликларнинг қўли баланд келган бўлса, 5та учрашувда “Машъал” ғолиб бўлган. Олти учрашувда ғолиб аниқланмаган. Тўплар нисбати “Пахтакор” фойдасига 62:23. Ўзаро ўинларда “шерлар” 71 очкони, “Машъал” эса 20 очкони қўлга киритган.
“Пахтакор” олий лигада “Машъал” устидан 4:1 ҳисобида ғалаба қозонган. Бу ўзаро ўйинлардаги пойтахт клубининг энг йирик ғалабасидир. “Машъал”нинг ўзаро ўйинлардаги энг йирик ғалабаси эса 3:0 бўлиб турибди.
2017 йил биринчи даврада Муборакда бўлиб ўтган баҳсда “Машъал” жамоаси “Пахтакор” дарвозасига жавобсиз учта тўп киритиб йирик 3-0 ҳисобида ғалаба қозонган. Голларни Искандар Шайкулов 69, Кенжа Тўраев 30, ва Ҳумоюн Муртазоев 90+3 лар киритишган.
Тошкентда ўтган сўнгги учрашувлар:
16.06.2016 «Пахтакор» - «Машъал» 3:0
19.06.2015 «Пахтакор» - «Машъал» 3:1
23.08.2014 «Пахтакор» - «Машъал» 3:0
14.09.2012 «Пахтакор» - «Машъал» 3:0
10.10.2011 «Пахтакор» - «Машъал» 1:0
22.04.2010 «Пахтакор» - «Машъал» 1:0
Ўзаро ўйинлар ҳақида факт: “Пахтакор” ўз майдонида бўлиб ўтган учрашувларда ушбу рақибни 14 марта таслим қилган. “Машъал” сафарда бир бор ғалаба қозонган ва бир марта дуранг ўйнаган.
