«Барселона» яримҳимоячиси Иван Ракитич 17 август куни теракт қурбони бўлиши мумкин эди.
Футболчи ўша куни мудҳиш воқеа содир бўлган кўчага бормоқчи бўлган. Бироқ, сўнгги паллада хотини унинг фикридан қайтарган.
«Оилам билан Барселона марказида эдик ва айнан теракт содир бўлган кўчага бормоқчи бўлдик. Аммо хотиним болалар уй олдидаги хиёбонда ўйнаб юрса яхши бўларди деди. Унинг гапига кўнганим учун Худога шукрона айтаман. Биз теракт содир бўлган жойдан 3-4 дақиқалик йўлда эдик" - деди Ракитич AS хабарида.
Эслатиб ўтамиз, 17 август куни Барселона марказида, юк автомобили воситасида амалга оширилган терактда ўнлаб инсонлар ҳаётдан кўз юмганди.
