Олий лиганинг 21та турида ўтказилган 165та баҳс давомида 404та гол урилди. Битта ўйинда ўртача 2,45тадан тўп киритилган (биринчи давранинг сўнгги турида нисбатан олганда бу борада ҳеч қандай ўзгариш бўлмаган).
35та гол (8,66 фоиз) пенальти маҳсули. 21та тур натижаларига кўра, «Динамо» клуби ўз майдони ва сафардаги баҳсларда бир хилда гол урди (Самарқанд шаҳри жамоаси мана 6 турдирки, рақиблар дарвозасини ишғол қилолмаяпти).
«Насаф» ва «Қўқон-1912» ўз майдонларида сафардагидан кўра 2 баравар кўпроқ тўп киритишди. Фақат «Динамо» ва «Обод» пенальтидан урилган голлари устунини тўлдира олишмади.
Айни пайт атиги 9 футболчи 7та ва ундан кўп гол уришга муваффақ бўлган.
Фактлар
- «Сўғдиёна» етакчиси Санжар Рашидовнинг 12та голидан 8таси ўйинда ҳисобни очувчи голлар бўлган. Достон Ҳамдамов («Бунёдкор») ва Марат Бикмаев («Локомотив») ҳам у билан бу борада бир хил кўрсаткичга эгалар.
- Марат Бикмаев «Локомотив» клубининг ўтган мавсумдаги 15,6 фоиз голига муаллифлик қилганди. Айни пайт бу борадаги кўрсаткич 38,63 фоизни ташкил этмоқда.
- Марат Бикмаев шу пайтгача 17та гол урган бўлса, шулардан нақ 5таси ўн бир метрлик нуқтадан амалга оширилган. Драган Черан («Насаф») ва Санжар Рашидов («Сўғдиёна») эса 3та пенальтини аниқ бажаришган. Қолган 9та голни улар ўйиндан уришган.
21-турдан сўнг клубларда голларни кимлар ва нечтадан ургани ҳақида маълумот
