Испания терма жамоасининг тақдири Каталониянинг мустақилликка эришишига боғлиқ бўлиб қолмоқда.
Marca хабарига кўра, агар бу иш амалга ошса, Испания жаҳон чемпионатида иштирок этмаслиги мумкин.
Гап шундаки, Ла Лига раҳбарияти агар Каталония мустақилликни эълон қилса, "Барселона", "Эспаньол" ва "Жирона" чемпионатдан четлатилишини айтган эди. Бу эса, сиёсий қарорларнинг федерация ишларига аралашуви деб баҳоланиши, натижада Испания футбол федерацияси ФИФА томонидан жазоланиши мумкин.
Эслатиб ўтамиз, Каталония мустақиллиги бўйича умумхалқ референдуми бугун, 1 октябрь куни ўтказилади.
