"Арсенал" бош мураббийи Арсен Венгер "Манчестер Юнайтед"га тегишли бўлган ёш дарвозабон Дин Хендерсонни кузатиб бормоқда. Унинг «МЮ» билан шартномаси келаси йилнинг ёзида якунига етади.
Ҳозирда ушбу дарвозабон Лига-1 вакили «Шрюсбери» сафида ўйнамоқда. «Юнайтед» эса унга янги шартнома таклиф қилмаслиги мумкин.
Хендерсон Англиядаги энг иқтидорли посбонлардан бири ҳисобланади. У Англия ёшлар терма жамоаси таркибида жаҳон чемпионлигини қўлга киритди. «Арсенал»дан ташқари Дин Хендерсонни «Бенфика» клуби ҳам кузатиб бормоқда.