«Барселона» ярим ҳимоячиси Арда Турон қишки трансфер пайтида бошқа жамоага ўтиши мумкин.

«Арсенал» 30 ёшли туркиялик футболчининг трансфери борасида каталонияликлар билан музокара бошлади. «Барселона» ҳам Ардани ушлаб қолмоқчи эмас. Боиси, Эрнесто Вальверде ярим ҳимоячига ишонч билдирмаётган бўлса, иккинчидан, "кўк-анорранглилар" футболчига катта маош тўлаш масъулиятидан халос бўлишади.

Туроннинг ўзи ҳам Европанинг кучли жамоаларидан бирига ўтишга қарши эмас. У ҳозирча Туркияга қайтиш ҳақида ўйламаяпти. Сўнгги пайтларда «Галатасарой» уни ўз сафига чорлаётганди.

Эслатиб ўтамиз, Туроннинг «Барселона» билан шартномаси 2019 йилнинг ёзиа якунига етади. Футболчи ушбу мавсумда ҳали "Барса" сафида бирорта ҳам ўйинда майдонга тушмади.