«Наполи» Маурицио Сарри ЕЧЛ доирасида бўлиб ўтган «Манчестер Сити»га қарши ўйин (1:2) борасида ўз фикрларини билдириб ўтди.

«Дастлабки 30 дақиқада бизга нима бўлганини тушунмадим. Рақибга ҳаддан ташқари кўп бўш ҳудуд тақдим этдик. Қолган вақт давомида анча яхши ўйнадик ва "Манчестер Сити" билан бир хил даражада бўлдик. Биринчи бўлимда фойдаланилмаган пенальти бизга оғир ботди. Аммо биз руҳан тикланиб олдик ва иккинчи бўлимни ажойиб тарзда ўтказдик.

Бизнинг ўрнимизда кўп жамоалар "Сити"га муносиб қаршилик кўрсата олмаган бўларди. Биз рақибга кўп муаммолар яратдик. Умуман олганда, биз 4та голга тортадиган вазият яратган бўлсак, «Сити» 5та имкониятга эга бўлди. Демак, биз бу ерга ҳужумкор ўйин кўрсатиш учун келганимизни исботладик. «Манчестер Сити» — мусобақада ғолиб чиқиш учун асосий даъвогар. Улар тезкор, тактик жиҳатдан бехато ўйнайди, жисмоний ва руҳий жиҳатдан кучли. Агар улар ўз даражаларини сақлаб қолишса, турнир охирига қадар етиб боришади», — деди Сарри.