Олий лиганинг 26-тури доирасида бўлиб ўтган "Пахтакор" ва "Бунёдкор" жамоалари ўртасидаги учрашув тақдирини ҳакамларнинг қўпол хатоси ҳал қилди.

Ўйинни бошқарган ҳакам ёрдамчиларидан бири Дониёр Сайлавов мезбонлар сардори Камолиддин Тожиевнинг офсайдда қолганини қайд этмади ва футболчи "Бунёдкор" дарвозасини ишғол қилди.

Ҳакамлар назоратчиси Фарҳод Абдуллаев ушбу лайнсменга «2» баҳо — 4.0 балл қўйди. ФИФА рефериси Азиз Асимов эса 7,8 баллга муносиб кўрилди.

Дарвоқе, бугун ЎФФ ҳакамлар бошқармаси бошлиғи лавозимидан истеъфога чиқарилган Ноил Лутфуллин ПФЛ вакили сифатида ўйинда комиссарлик қилди.

Олий лига, 26-тур
“Пахтакор” – “Бунёдкор” - 1:0.  5251 томошабин.
Ҳакамлар: А.Асимов – 7,8, А.Сидоров – 8,0, Д.Сайлавов – 4,0, А.Шукруллаев - 8.
Назоратчи: Ф.Абдуллаев (Тошкент).
ПФЛ вакили: Н.Лутфулин
"Пахтакор": 12.Александр Лобанов, 29.Владимир Козак, 55.Марко Симич, 21.Камолиддин Тожиев (с), 3.Хожиакбар Алижонов, 5.Акбар Исматуллаев ( 7.Азим Аҳмедов, 87), 10.Жамшид Искандеров, 77.Тиаго Безерра, 22.Жасур Яхшибоев (17.Суҳроб Нуруллаев, 73), 52.Гиди Канюк (8.Шерзод Каримов, 81), 11.Игорь Сергеев
"Бунёдкор": 32.Суҳроб Султонов, 4.Акром Комилов, 6.Анвар Ғофуров, 2.Рустам Ашурматов, 21.Дилшод Аҳмадалиев, 8.Жавлон Иброҳимов (с), 29.Отабек Шукуров, 44.Миржамол Қосимов (14.Воҳид Шодиев, 86), 22.Шохрух Гадоев (28.Даврон Умиров, 54), 17.Достонбек Ҳамдамов, 9.Шаҳзодбек Нурматов (77.Шохруз Норхонов, 71)
Огоҳлантиришлар:  Шаҳзод Нурматов (63), Акром Комилов (68),Рустам Ашурматов (68), Шохруз Норхонов (87), Азим Аҳмедов (88), Владимир Козак (90+2)