Моника Домина Лас-Герасдаги бошланғич мактабда унинг ўқитувчиси эди. Бир куни кечқурун у билан телефон орқали Месси ҳақида суҳбатлашдик.
— Сиз уни ўқиш ва ёзишга ўргатганмисиз?
— Ҳа, аммо мактаб Мессига унча ёқмасди. Мактабга келиб-кетиши мажбурият юзасидан эди.
Доминанинг овозида ўзига хос оналарча меҳр оҳанги сезилиб турарди, у бир маромда ва тантанавор сўзларди.
— У жуда ҳам тортиинчоқ эди, — дейди ўқитувчи, — Лионел билан иш олиб бориш жуда ҳам қийин бўлган.
— Суҳбатга тортиш учун нима қилгансиз?
