«Барселона» ҳужумчиси Лионель Месси Испания Ли лигасининг 11-туридан ўрин олган «Севилья»га қарши ўйинда асосий таркибда майдонга тушди.
30 ёшли аргентиналик футболчи каталонияликлар сафида 600-ўйинни ўтказмоқда. Бу борада Месси Хави (767) ва Андрес Иньеста (643)дан кейин учинчи натижа қайд этиб турибди. Лео "кўк-анорранглилар" сафида 523та голга муаллифлик қилиб, 197та голга узатма берган.
Шунингдек, Мессининг Испания чемпионатидаги ўйинлари сони 393тага етди. Бу кўрсаткич бўйича у жамоа собиқ ҳимоячиси Карлес Пуйолни битта ўйинга ортда қолдирди. Ла лигадаги ўйинлар сони бўйича ҳам етакчилик Хави (505) ва Андрес Иньеста (421) томонида.