Италия А серияси аутсайдери бўлмиш “Беневенто” ўз тарихида энг катта омадсизликни бошдан кечирмоқда. Жамоа янги мавсумдаги дастлабки 12 та ўйиндан кетма-кет мағлуб бўлди. Клуб президенти Оресте Вигорето эса буни ялмоғизлар билан боғлади. Италиядаги бу кичик шаҳарча “Ялмоғизлар ҳудуди” деб аталади. Клуб эмблемасида ҳам ялмоғиз кампирнинг расми бор.
“Бундай омадсиз стартга ялмоғизлар сабабчи. Чунки улар ҳар доим бу шаҳар билан иттифоқдош бўлишган. Бу ҳақиқат. Аммо шуниям айтишим керакки, биз А серияда қоламиз, чунки негадир менга шундай туйиляпти”, деди президент.
