Italiya A seriyasi autsayderi bo‘lmish “Benevento” o‘z tarixida eng katta omadsizlikni boshdan kechirmoqda. Jamoa yangi mavsumdagi dastlabki 12 ta o‘yindan ketma-ket mag‘lub bo‘ldi. Klub prezidenti Oreste Vigoreto esa buni yalmog‘izlar bilan bog‘ladi. Italiyadagi bu kichik shaharcha “Yalmog‘izlar hududi” deb ataladi. Klub emblemasida ham yalmog‘iz kampirning rasmi bor.
“Bunday omadsiz startga yalmog‘izlar sababchi. Chunki ular har doim bu shahar bilan ittifoqdosh bo‘lishgan. Bu haqiqat. Ammo shuniyam aytishim kerakki, biz A seriyada qolamiz, chunki negadir menga shunday tuyilyapti”, dedi prezident.
