"Барселона" бош мураббийи Эрнесто Вальверде Испания чемпионатининг 12-турида "Леганес" устидан қозонилган ғалабадан сўнг (3:0) фикрларини билдирди.
"Балки, ҳамма бизни анча устунлик қилди, деб ўйлаётгандир. Аслида "Леганес" ҳам вазиятлар яратди, биз ҳам яхши ҳужум қилдик. Ёқимлиси шуки - биз қийин ўйинда ғалаба қозондик. Қийналган вақтларимиз бўлди, улар бизга бўш ҳудуд қолдирмадилар.
Ҳаммаси рақибга боғлиқ. Баъзида ажойиб ўйин кўрсатамиз, аммо "Барселона" шундай ҳолатларда - сафарда ва қийин рақибга қарши ҳам ўйнай олиши керак", - дейди Вальверде.
