Сентябрь ойида “Барселона” президенти Хосеп Бартомеу Лионель Месси жамоа билан янги шартнома тузгани ҳақида эълон қилганди. Ушбу янгиликка “Барселона” жамоасининг собиқ футболчиси Хави ўз муносабатларини билдириб ўтди.
“Шартнома - унга имзо чеккандан сўнг кучга киради, эълон қилингандан сўнг эмас. Биз Мессини шартнома тузганлигига ишонч хосил қилишимиз қийин. Лекин фикримча бу савол аввалроқ ҳал қилиб бўлинган. Менимча Месси “Барселона”га керак, “Барселона” эса Мессига кўпроқ керак.
Агар Месси жамоада қолса бу фақат “Барса”га фойда беради. Ўйлашимча, Месси фаолиятини охиригача “Барселона”да қолади.
Шахсан мен буни жуда ҳам истардим. Негаки Месси бўлса “Барселона” кўпроқ совринларга эга бўлади. Месси футбол тарихидаги энг буюк шахс”, - дейди Хави.
