Sentyabr oyida “Barselona” prezidenti Xosep Bartomeu Lionel Messi jamoa bilan yangi shartnoma tuzgani haqida e’lon qilgandi. Ushbu yangilikka “Barselona” jamoasining sobiq futbolchisi Xavi o‘z munosabatlarini bildirib o‘tdi.
“Shartnoma - unga imzo chekkandan so‘ng kuchga kiradi, e’lon qilingandan so‘ng emas. Biz Messini shartnoma tuzganligiga ishonch xosil qilishimiz qiyin. Lekin fikrimcha bu savol avvalroq hal qilib bo‘lingan. Menimcha Messi “Barselona”ga kerak, “Barselona” esa Messiga ko‘proq kerak.
Agar Messi jamoada qolsa bu faqat “Barsa”ga foyda beradi. O‘ylashimcha, Messi faoliyatini oxirigacha “Barselona”da qoladi.
Shaxsan men buni juda ham istardim. Negaki Messi bo‘lsa “Barselona” ko‘proq sovrinlarga ega bo‘ladi. Messi futbol tarixidagi eng buyuk shaxs”, - deydi Xavi.
