“Манчестер Юнайтед”нинг собиқ футболчиси Гари Невиллнинг фикрича, айни дамда АПЛ чемпионлиги учун “Манчестер Сити” асосий даъвогар ҳисобланади. Унга эса “Манчестер Юнайтед” рақобатчилик қила олади.

“Бугунги кунда Манчестернинг иккита клуби чемпионлик учун кураша олади. “Ливерпуль”, “Тоттенхэм”, “Арсенал” ва “Челси” чемпионлик учун курашади деб ўйламайман. Айни пайтда “Манчестер Сити” юқори даражада ўйин кўрсатмоқда. “Манчестер Юнайтед” эса унга муносиб рақиб бўлиш учун ғалаба қозониши керак”, деди Невилл.