“Ювентус” клуби ҳужумчиси Пауло Дибала 1 декабрь кунига белгиланган Италия чемпионатининг 15-туридан ўрин олган “Наполи” — “Ювентус” учрашуви олдидан ўз фикрларини билдирди.

“Бу ўйин скудетто тақдирини ҳал этмайди. Олдинда йўл узун, аммо энг яхшилар қаторидаги икки жамоа ўзаро тўқнаш келади.

Осон бўлмади, “Наполи” уйида ўйнаш жуда қийинлигини биламиз.

“Наполи”дан кимни таркибда кўришни хоҳлардим? Ҳеч кимни. Биз энг кучлиларни таслим этишни истаймиз. Ўсишда давом этиш керак, биз ҳар бир баҳсда ғалаба қозонишни истаймиз”, — дейди Дибала.