"Атлетико" бош мураббийи Диего Симеоне ЕЧЛ гуруҳ босқичида "Челси"га қарши сафар учрашуви олдидан (5 декабрь) фикрларини билдирди.
"Вазият шундай. Биз ажойиб формадаги, гуруҳ етакчисига қарши ўйнаймиз. "Челси" муносиб тарзда пешқадамлик қилмоқда. Биз фақат ғалаба ҳақида ўйлаяпмиз. Олдинда футбол учрашуви турибди. Биз ғалаба қозонишга ҳаракат қилиб, жуда яхши жамоага қарши энг яхши ўйинимизни кўрсатишимиз керак.
Охирги йилларда жамоамиз деярли ўзгармади. Ўтган мавсумда ярим финалга чиққан эдик, "Реал" ва "Барселона"га муносиб рақобатчилик қилгандик. Улар, адашмасам, чемпионлар лигасининг охирги ўн мусобақасидан еттитасини ютишган.
Римдаги ўйинни радио орқали эшитиш ёки ТВдан кўришдан маъно йўқ. Агар "Рома" ғалаба қозонса, уларни ва "Челси"ни гуруҳдан чиққанлари билан табриклайман", - дейди Симеоне.
