"Atletiko" bosh murabbiyi Diyego Simeone YECHL guruh bosqichida "Chelsi"ga qarshi safar uchrashuvi oldidan (5 dekabr) fikrlarini bildirdi.

"Vaziyat shunday. Biz ajoyib formadagi, guruh yetakchisiga qarshi o‘ynaymiz. "Chelsi" munosib tarzda peshqadamlik qilmoqda. Biz faqat g‘alaba haqida o‘ylayapmiz. Oldinda futbol uchrashuvi turibdi. Biz g‘alaba qozonishga harakat qilib, juda yaxshi jamoaga qarshi eng yaxshi o‘yinimizni ko‘rsatishimiz kerak.

Oxirgi yillarda jamoamiz deyarli o‘zgarmadi. O‘tgan mavsumda yarim finalga chiqqan edik, "Real" va "Barselona"ga munosib raqobatchilik qilgandik. Ular, adashmasam, chempionlar ligasining oxirgi o‘n musobaqasidan yettitasini yutishgan.

Rimdagi o‘yinni radio orqali eshitish yoki TVdan ko‘rishdan ma’no yo‘q. Agar "Roma" g‘alaba qozonsa, ularni va "Chelsi"ni guruhdan chiqqanlari bilan tabriklayman", - deydi Simeone.