Туриннинг “Ювентус” клуби ҳимоячиси Алекс Сандро фаолиятини “Манчестер Юнайтед”да давом эттириши мумкин.
Манкунианликлар 26 ёшли бразилиялик футболчини январдаги трансферлар мавсумида сотиб олишни режалаштиришган.
Хабарда айтилишича, “МЮ” трансферлар мавсумида таркибини кучайтириш учуг 90 миллион евро сарфлаши мумкин.
Бундан ташқари, Сандронинг ўзи “Ювентус” раҳбарларига Англияга кўчиб ўтиш истаги борлигини айтган.
Шунинг учун туринликлар мавсум ярмида футболчини йирик миқдор эвазига қўйиб юборишга қарши эмаслар.
Эслатиб ўтамиз, “Ювентус” Сандрони ёзги трансферлар мавсумида “Челси” ва “Манчестер Сити” клубларига 70 млн эвро эвазига сотишдан бош тортганди.
Маълумот учун, “Манчестер Юнайтед” айни вақтда Англия чемпионатининг 15-туридан сўнг 35 очко жамғариб, 2-ўринни эгаллаб турибди.
