Turinning “Yuventus” klubi himoyachisi Aleks Sandro faoliyatini “Manchester Yunayted”da davom ettirishi mumkin.

Mankunianliklar 26 yoshli braziliyalik futbolchini yanvardagi transferlar mavsumida sotib olishni rejalashtirishgan.

Xabarda aytilishicha, “MYU” transferlar mavsumida tarkibini kuchaytirish uchug 90 million yevro sarflashi mumkin.

Bundan tashqari, Sandroning o‘zi “Yuventus” rahbarlariga Angliyaga ko‘chib o‘tish istagi borligini aytgan.

Shuning uchun turinliklar mavsum yarmida futbolchini yirik miqdor evaziga qo‘yib yuborishga qarshi emaslar.

Eslatib o‘tamiz, “Yuventus” Sandroni yozgi transferlar mavsumida “Chelsi” va “Manchester Siti” klublariga 70 mln evro evaziga sotishdan bosh tortgandi.

Ma’lumot uchun, “Manchester Yunayted” ayni vaqtda Angliya chempionatining 15-turidan so‘ng 35 ochko jamg‘arib, 2-o‘rinni egallab turibdi.