Каталониянинг “Барселона” клуби ҳужумчиси Лионель Месси смартфонлар ишлаб чиқарадиган Sirin Labs компанияси билан шартнома имзолади.
Бу ҳақда компаниянинг ижтимоий тармоқдаги саҳифаси хабар берди.
Хабарда айтилишича, аргентиналик таниқли футболчи Finney номли дунёдаги илк криптосмартфонни савдога чиқаришга ҳозирлик кўраётган компания элчисига айланган.
Маълумот ўрнида, смартфон Android'га асосланган Shield OS тизимида ишлайди.
Тизим юқори даражада ҳимояланган криптографик ядрога эга ва блокчейн-иловалар билан ишлаш имкониятини беради.
Sirin Labs компаниясига қозоғистонлик инвестор Кенес Ракишев ва исроиллик тадбиркор Моше Хегог томонидан асос солинган.
Шунингдек, мазкур лойиҳада америкалик боксчи Флойд Мэйвезер ҳам иштирок этганди.
Эслатиб ўтамиз, Лионель Месси яқинда “Барселона” клуби билан амалдаги шартномани узайтиргани ҳақида аввалроқ хабар бергандик.
