Испания терма жамоаси бош мураббийи Хулен Лопетеги "Атлетико"нинг франциялик ҳимоячиси Лукас Эрнандесга Испания паспортини олишга изн берди.

Marca хабарига кўра, 21 ёшли футболчи Франция терма жамоасига чақирилишини кутиб ўтирмади ва Испания термасида сафида жаҳон чемпионатида қатнашиш учун бу мамлакат паспортини олмоқчи. Воқеаларнинг бундай ривожига Лопетегининг ўзи сабабчи бўлган.

Эрнандес керакли ҳужжатларни топширган ва Испания ҳукумати футболчининг терма жамоа сафидан ўрин олиши учун паспорт олиш жараёнини тезлаштириб бериши мумкин.

Футболчининг "Реал"даги акаси ҳимоячи Тео Эрнандес ҳам бунга қарши эмас.