«Эвертон» клуби ҳужумчиси Уэйн Руни Англия Премьер-лигасининг 16-туридан ўрин олган «Ливерпуль»га қарши ўйин ҳақида ўз фикрларини билдириб ўтди.
«Энфилд» стадионида бўлиб ўтган учрашув 1:1 ҳисобидаги дурранг натижа билан якунланди. Айнан Руни баҳснинг 77-дақиқасида пенальтини аниқ амалга ошириб ҳисобни тенглаштирди.
««Ливерпуль» - ажойиб жамоа, таркибида кучли футболчилар жам бўлган. Биз бугун қийин ўйин бўлишини билар эдик. Биз яхши ҳимояландик.
«Ливерпуль» дарвозасига гол уриш қайси жамоа бўлишимдан қатъий назар, ҳар доим ёқимли бўлган. Пенальтига келадиган бўлсак ҳакам ҳақли равишда 11 метрлик жаримани белгилади», - дейди Руни.
