Англия Премьер-Лигасининг 17-туридан ўрин олган “Хаддерсфилд” ҳамда “Челси” жамоалари ўртасидаги учрашув якунига етди. Унда лондонликлар 3:1 ҳисобида ғалаба қозонишди.

Учрашувнинг 23-дақиқасида Бакайоко меҳмонларни олдинга олиб чиққан бўлса, биринчи бўлимнинг сўнгги дақиқаларида Виллиан ҳисобни 0:2 кўринишига келтирди.

Шунингдек, Педро 50 дақиқада меҳмонларни йирик ҳисобда олдига олиб чиқди. Қўшиб берилган дақиқаларда мезбонлар Депуатрнинг бош билан йўллаган аниқ зарбаси эвазига ҳисобни қисқартириб олишди.

Бироқ “Хаддерсфилд” бир голи билан ўйиндаги тафовутни ўзгартила олмади ва якунда ўз уйида амалдаги чемпиони “Челси”га ютазиб қўйди.

АПЛ, 17-тур.

Хаддерсфилд – Челси 1:3.

Голлар: 0:1 – 23 Бакайоко, 0:2 – 43 Виллиан, 0:3 – 50 Педро, 1:3 – Депуатр.

Хаддерсфилд – Лессль, Йоргенсен, Леве (Хадерджонай, 67), Смит, Шиндлер, Хогг (Уайтхэд, 46), Уильямс, Инс, Муй, Качунга, Мунье (Депуатр, 74).

Челси – Куртуа, Аспиликуэта, Кристенсен (Ампаду, 80), Рюдигер, Мозес, Азар (Батшуайи, 69), Канте (Дринкуотер, 71), Виллиан, Бакайоко, Педро, Алонсо.