“Манчестер Юнайтед” жамоаси футболчиси Хуан Мата дарвозабон Давид де Хеани мақтади.

“Де Хеа ҳақида жуда кўп гапирилди. У фантастик футболчи, ақлбовар қилмас иқтидор эгаси. Унинг ҳаракатлари дунёнинг энг кучлиси эканлигини исботламоқда.

Билмадим, негадир кўпчилик унга ёмон кўз билан қарашади, Де Хеанинг нақадар кучли эканлигини тушунишмайди.

Давид ҳар доим ҳам энг яхши дарвозабонлар рейтингига кирмайди ва қандайдир совринларни қўлга киритмайди. Бу эса мен учун ҳам жуда қизиқ.

У дунёнинг энг зўр посбонлари учлигидан жой олиши, балким сайёрамизнинг энг кучли посбони деб аташ керак. Фақатгина Англияда эмас, балким бутун дунёда уни қадрлашларини истайман”, - дейди Мата.