“Арсенал” клуби скаути Свен Мислинтат аллақачон ёзги трансфер режасини тузишни бошлади. Чунки қишда ва ёзда клубни бир қанча футболчилар тарк этиши мумкин.

“Daily Mail” нашрининг ёзишича, Месут Ўзил ва Алексис Санчеснинг жамоани тарк этиши деярли аниқ. Қолаверса, Лондон клуби Мертезакер, Дебюши, Касорла, Уолькотт ва Жиру билан хайрлашишни истамоқда.

Маълумотларга кўра, “Арсенал” Уэлбек, Рэмси ва Уилшер билан шартномани узайтирмоқчи эди, аммо бу футболчилар ҳам жамоадан кетишни хоҳлашмоқда.

Мислинтатнинг ёзги трансфер режаларидан Жан Микаэль Сери (“Ницца”), Набиль Фекир (“Лион”), Тома Лемар (“Монако”) каби футболчилар ўрин олган.