Каталониянинг “Барселона” клуби бош мураббийи Эрнесто Вальверде “Депортиво”га қарши учрашув олдидан жароҳат олиб сафдан чиққан Усмон Дембеленинг аҳволи ҳақида фикр билдириб ўтди.
“Дембеле жароҳатидан деярли фориғ бўлди. У шу ҳафтада умумий гуруҳ билан машғулот ўтказди, бироқ тўлиқ вақт машғулот ўтказмаяпти.
Биз унинг режа асосида тикланишини кутишда давом этамиз. Ўйлайманки, Дембеле январда тўлиқ сафга қайтади. Бундан аввал ҳам майдонга қайтиши мумкин, лекин таваккалга қўл урмоқчи эмасмиз”, - дейди Вальверде.