Англиянинг “Эвертон” клуби бош мураббийи Сэм Эллардайс АПЛ доирасида “Суонси”га қарши учрашувдан кейинги фикрларни билдирди.
“Биринчи бўлимдаги ўйинимиздан ҳафа бўлдим. Бироқ иккинчи таймда темпни қўша олдик. Рақиблар биринчи бўлиб гол урди, бироқ ҳисобни тенглаштира олдик. Ундан кейин тактика ва схемаларни ўзгартирдик ва “Суонси” ҳимоячиларига муаммолар туғдира бошладик.
Биз учрашувлар давомида қандайдир ностандарт қарорлар чиқаришимиз керак. Бугун Сигурдссон мана шундай ўйин кўрсатди. Ундан кейин жамоанинг ўйинлари анча яхшиланди.
Биз керакли бўлган 3 очкони қўлга киритдик. Биринчи бўлимдаги ёмон ўйиндан кейин яхши хулосалар чиқара олдик ва иккинчи бўлимда ҳужумчилар бироз қувноқроқ ўйин кўрсатишди.”, - дейди Сэм.
