"Барселона" бош мураббийи Эрнесто Вальверде "Реал"га қарши учраувдаги ғалабадан сўнг 3:0) фикрларини билдирди.
"Биз жуда мамнунмиз, сафарда кучли рақиб устидан ғалаба қозондик. Бу класико, жуда муҳим ўйин. Испания чемпионатининг биринчи давраси якунига етмаган бўлсада, олдинда ўйинлар кўп. Орадаги фарқ катта, аммо ҳозир бунинг аҳамияти йўқ, чунки ҳали ҳеч нарса ҳал бўлмаган.
"Реал" биринчи бўлимда жуда яхши ўйнади, улар бизни узун паслар билан ўйнашга мажбур қилдилар, аммо биз барибир хавфли вазиятлар ярата олдик. Иккинчи бўлимда ўйин тизгинини қўлга олдик ва тўпга эгалик қилдик.
Иккинчи голдан сўнг ҳам тактикани ўзгартирмадик ҳужум уюштиришда давом этдик. Бу вақт ичида "Реал" сон жиҳатдан тенг пайтидан кўра кўпроқ ҳуум қилди. Биз бу вақтда гол ўтказиб юборишимиз мумкин эди.
Бугун ўзаро ўйинларда бир-бирини юта оладиган икки жамоа ўйнади. Бизнинг кучимиз тенг, аммо бу ўйин ҳамма учун сабоқ бўлди. Аввал улар бизни ютар эди, энди биз яъшироқ бўлдик ва ғалаба қозондик. Ҳаммаси ўзгариши мумкин", - дейди Вальверде.