Италия «А» сериясининг 19-тури ўз поёнига етди.

Мазкур турнинг сўнгги ўйинида «Верона» ўз майдонида «Ювентус»га қарши баҳс олиб бориб, 1:3 ҳисобида имкониятни бой берди.

Учрашувнинг 6-дақиқасида Блез Матюиди ҳисобни очди ва биринчи бўлим шу ҳисобда якунланди.

Иккинчи бўлимнинг 59-дақиқасида эса Мартин Касерес мувозанатни тиклади. Кейин эса «Юве» юлдузи Пауло Дибала асосий саҳнага чиқди ва 72 ҳамда 77-дақиқалардаги голлари эвазига жамоасига муҳим очколарни тақдим этди.

ВЕРОНА – ЮВЕНТУС 1:3 (0:1)

30 декабрь, 22.45, «Марк Антонио Бентегоди»

Голлар: 0:1 – 6 Матюиди, 1:1 – 59 Касерес, 1:2 – 72 Дибала, 1:3 – 77 Дибала.

Верона: Николас, Эрто, Касерес (Паццини, 78), Феррари, Караччоло, Бюхель, Сукулини, Бесса (Кальвано, 88), Ромуло, Верде, Кин (Сукулини, 82).

Ювентус: Шченсны, Бенатия, Алекс Сандро, Лихтштайнер (Бардзальи, 74), Кьеллини, Хедира, Бентанкур (Бернардески, 46), Матюиди, Дибала, Манджукич (Маркизио, 81), Игуаин.

Огоҳлантиришлар: Касерес (41), Ромуло (85).