“Манчестер Сити” клуби ярим ҳимоячиси Кевин де Брюйне “Кристал Пэлас”га қарши учрашув (0:0) да жароҳат олди.
Бельгиялик футболчи иккинчи бўлимга қўшиб берилган дақиқаларда майдонни замбарда тарк этишга мажбур бўлди.
Ўша вазиятда “Манчестер Сити” барча захира футболчиларини алмаштириб бўлганди ва якунда ўйинни 10 киши бўлиб якунлади.
Шунингдек, “Сити” ҳужумчиси Габриэл Жезус ҳам биринчи бўлимда жароҳат олиб, майдонни кўзида ёш билан тарк этганди.