"Манчестер Юнайтед" бош мураббийи Жозе Моуриньонинг сўзларига кўра, жамоа ҳужумчиси Ромелу Лукаку "Эвертон"га қарши ўйинда (2:0) эҳтиёт чораси туфайли майдонга туширилмаган.
Бельгиялик футболчи 21-турда "Саутгемптон" билан учрашувда (0:0) рақиб ўйинчиси билан бош тўқнашувидан азият чеккан эди. 24 ёшли футболчи майдонни замбилда ва кислород ниқоби билан тарк этган эди.
Португалиялик мутахассиснинг айтишича, Лукакудан жиддий муаммо йўқ, у Англия кубоги 1/32 финалида "Дерби Каунти" билан учрашувда майдонга туширилиши мумкин.
"Ромелу жума куни ўйнаши мумкин. Бу эҳтиёткорлик чораси эди, шифокоримизнинг қарори шу бўлди, аммо Ромелу кийиниш хонасида биз билан бўлди ва хотирасини йўқотгани йўқ. "Саутгемптон" билан учрашувда нима бўлганини эслайди", - дейди Моуриньо.
%20%D1%8D%D2%B3%D1%82%D0%B8%D1%91%D1%82%20%D1%87%D0%BE%D1%80%D0%B0%D1%81%D0%B8%20%D1%82%D1%83%D1%84%D0%B0%D0%B9%D0%BB%D0%B8%20%D0%BC%D0%B0%D0%B9%D0%B4%D0%BE%D0%BD%D0%B3%D0%B0%20%D1%82%D1%83%D1%88%D0%B8%D1%80%D0%B8%D0%BB%D0%BC%D0%B0%D0%B3%D0%B0%D0%BD.%26amp%3Bnbsp%3B&image=%2Fimages%2Fnews%2Flukaku1.jpg&noparse=true){kind=link}