Лондонлик оила судга мурожаат қилиб, "Челси"нинг янги стадиони қурилишини тақиқлашни сўради, дея хабар беради ВВС.
Оиланинг фикрича, уларнинг уйи деразаларига қуёш тушмай қолиши хавфи бор.
Аввалроқ, "Челси" хўжайини Роман Абрамович клуб учун 1,3 миллиард евролик 60 минг томошабинга мўлжалланган янги стадион қуришни режалаштираётгани хабар қилинган эди. Лондон ғарбида, "Сиэмфорд Бридж" стадиони олдида яшайдиган оила ўзлари яшайдиган уйга қуёш тушмай қолишидан хавотирда.
"Челси" раҳбариятининг таъкидлашича, янги стадион қурилиши маҳаллий аҳоли билан муҳокама қилинган ва 97 фоиз одамлар бунга оғзаки рози бўлганлар.
Клуб раҳбарияти бу оилага ҳуқуқий ёрдам ва товон пули тўлашни таклиф қилган, аммо оила бунга рози бўлмаган.