Испания чемпионатининг 19-тури доирасида "Барселона" бугун "Реал Сосьедад" меҳмони бўлади. Каталонияликлар бош мураббийи Эрнесто Вальверде мазкур ўйинда иштирок этиши мумкин бўлган футболчилар рўйхатини эълон қилди.
Рафинья Алькантара, Алейш Видаль, Жерар Деулофеу, Самуэль Умтити, Пако Алькасер ва Филипе Коутиньо турли сабабларга кўра ушбу рўйхатдан ўрин олишмади. Шунингдек, жамоанинг янги футболчиси Йерри Мина ҳам қайдномага киритилмади.
"Барселона"нинг "Реал Сосьедад"га қарши ўйин учун қайдномаси қуйидагича:
Марк-Андре тер Штеген, Нелсон Семеду, Жерар Пике, Иван Ракитич, Серхио Бускетс, Денис Суарес, Андрес Иньеста, Луис Суарес, Лионель Месси, Усмон Дембеле, Яспер Силлессен, Хавьер Маскерано, Паулиньо Безерра, Жорди Альба, Люка Динь, Серхи Роберто, Андре Гомеш ва Томас Вермален.
"Кўк-анорранглилар" Басклар ўлкасига бугун эрталаб йўл олишди. Маълумот учун, “Реал Сосьедад” – “Барселона” учрашуви Тошкент вақти билан 00:45 да бошланади.
