Ispaniya chempionatining 19-turi doirasida "Barselona" bugun "Real Sosyedad" mehmoni bo‘ladi. Kataloniyaliklar bosh murabbiyi Ernesto Valverde mazkur o‘yinda ishtirok etishi mumkin bo‘lgan futbolchilar ro‘yxatini e’lon qildi.
Rafinya Alkantara, Aleysh Vidal, Jerar Deulofeu, Samuel Umtiti, Pako Alkaser va Filipe Koutinyo turli sabablarga ko‘ra ushbu ro‘yxatdan o‘rin olishmadi. Shuningdek, jamoaning yangi futbolchisi Yerri Mina ham qaydnomaga kiritilmadi.
"Barselona"ning "Real Sosyedad"ga qarshi o‘yin uchun qaydnomasi quyidagicha:
Mark-Andre ter Shtegen, Nelson Semedu, Jerar Pike, Ivan Rakitich, Serxio Buskets, Denis Suares, Andres Inyesta, Luis Suares, Lionel Messi, Usmon Dembele, Yasper Sillessen, Xavyer Maskerano, Paulinyo Bezerra, Jordi Alba, Lyuka Din, Serxi Roberto, Andre Gomesh va Tomas Vermalen.
"Ko‘k-anorranglilar" Basklar o‘lkasiga bugun ertalab yo‘l olishdi. Ma’lumot uchun, “Real Sosyedad” – “Barselona” uchrashuvi Toshkent vaqti bilan 00:45 da boshlanadi.