Яшаш нашъасидан қилар баҳраманд,
Томошанинг завқи, сурури ажиб.
Футбол шоусининг кечинмаси зўр -
Кўнгилларга яйраш этмоқда насиб.
Баҳслардан оласиз ўзгача мароқ,
Нашидаси бўлак тунги футболнинг.
Кўзни ҳам, дилни ҳам қувонтирган пайт
Сеҳрини англайсан ажойиб голнинг.
Мухлислар кўпинча фол очар, аммо,
Башоратлар чиқар аслидан йироқ.
Тўғри, тахминларга ишқибозлар ўч,
Футболнинг ўз ҳукми мавжуддир бироқ.
Миллионлар қалбини ром этган футбол,
Қудратли заминда фанатлари кўп.
Янада юксалсин футбол парвози -
Унинг мухлислари - қанотлари кўп!
Зайниддин НОРМАН