Ҳакам Тони Шапрон "Нант" ва "ПСЖ" ўртасида учрашувдаги (0:1) қилмиши учун узр сўради.

Эслатиб ўтамиз, йиннинг 90-дақиқасида парижликлар қарши ҳужумга чиқиб кетишади, уни тўхтаман дея ортга қайтаётган Карлос тўсатдан ўйинни бошқараётган ҳакам Тони Шапрон билан тўқнашиб, уни йиқитиб юборади.

Ҳакам майдонга йиқилгандан сўнг оёғи билан футболчини чалиб йиқитишга ҳаракат қилади ва дарҳол ўрнидан туриб, футболчига иккинчи сариқ карточкани кўрсатиб, майдондан четлатади.

"Бу қилиғим ноўрин бўлди. Мен Диего Карлосдан узур сўрайман. Мен тартиб-интизом қўмитасига берган сариқ карточкамни бекор қилинишини сўраб ҳисобот юбордим.

У атайлаб қилмаган эди. У менга тегиб кетганида қаттиқ оғриқни ҳис қилдим, чунки аввал олган жароҳатим бор эди. Уни ўзим хоҳламаган ҳолда чалмоқчи бўлдим", - дейди Шапрон.