Hakam Toni Shapron "Nant" va "PSJ" o‘rtasida uchrashuvdagi (0:1) qilmishi uchun uzr so‘radi.
Eslatib o‘tamiz, yinning 90-daqiqasida parijliklar qarshi hujumga chiqib ketishadi, uni to‘xtaman deya ortga qaytayotgan Karlos to‘satdan o‘yinni boshqarayotgan hakam Toni Shapron bilan to‘qnashib, uni yiqitib yuboradi.
Hakam maydonga yiqilgandan so‘ng oyog‘i bilan futbolchini chalib yiqitishga harakat qiladi va darhol o‘rnidan turib, futbolchiga ikkinchi sariq kartochkani ko‘rsatib, maydondan chetlatadi.
"Bu qilig‘im noo‘rin bo‘ldi. Men Diyego Karlosdan uzur so‘rayman. Men tartib-intizom qo‘mitasiga bergan sariq kartochkamni bekor qilinishini so‘rab hisobot yubordim.
U ataylab qilmagan edi. U menga tegib ketganida qattiq og‘riqni his qildim, chunki avval olgan jarohatim bor edi. Uni o‘zim xohlamagan holda chalmoqchi bo‘ldim", - deydi Shapron.
