Бугун тунда «Эспаньол» клуб Испания кубоги чорак финал босқичи доирасида «Барселона»ни қабул қилади.

Эрнесто Вальверде мазкур ўйинда Андреса Иньеста хизматидан фойдалана олмайди. Ярим ҳимоячи "Реал Сосьедад"га қарши баҳсда жароҳат олган. Шунингдек, Хавьер Маскерано ҳам чап оёғида оғриқ ҳис қилаётгани учун қайдномага киритилмади.

Шунингдек, Самуэль Умтити, Пако Алькасер, Филиппе Коутиньо ва Усмон Дембеле жароҳатланганлар сафида қолмоқда. Нелсон Семеду эса соғайди ва сафга қайтди.

Жамоанинг янги футболчиси Йерри Минанинг ҳужжатлари расмийлаштирилмоқда ва унинг дебюти кейинроққа суриладиган бўлди. Жерар Деулофеу эса мураббийнинг қарорига кўра таркибга киритилмади.

«Барселона»нинг «Эспаньол»га қарши ўйин учун кенгайтирилган таркиби қуйидагича:

Марк-Андре тер Штеген, Яспер Силлессен, Нелсон Семеду, Жерар Пике, Иван Ракитич, Серхио Бускетс, Денис Суарес, Луис Суарес, Лионель Месси, Рафинья Алькантара, Паулиньо Безерра, Жорди Альба, Люка Динь, Серхи Роберто, Андре Гомеш, Алейш Видаль, Томас Вермален, Карлес Аленья (№26).

Эслатиб ўтамиз, “Эспаньол” – “Барселона” учрашуви 18 январь кунига ўтар кечаси соат 01:00 да бошланади.