«Челси» бош мураббийи Антонио Конте муваффақиятли жамоани тузиш омиллари ҳақида гапириб берди.
«Футболчилик пайтимда, менга устозлик қилган ҳар бир мураббийдан ўрганган нарсам шуки, футболчиларни бахтиёр қилиш, устувор мақсад бўлмаслиги лозим.
Энг муҳими - ғалаба қозониш, ҳалол ва содиқ бўлиш. Агар мана шу тамойилларга амал қилсанг, ҳеч ким сенга эътироз билдиролмайди.
Балки, бу қайсидир футболчига ёқмаслиги мумкин. Аммо, кейинчалик, у сени ҳалол эканингни ва қайсидир футболчини эмас, балки жамоанинг манфаати учун ҳаракат қилаётганингни англаб етади.
Мен буни Липпи, Трапаттони, Сакки ва бошқа кўплаб мураббийлардан ўрганганман» - деди мураббий.