“Атлетик” дарвозабони Кепа Аррисабалага бу йил қишда “Реал”га ўтмайдиган бўлди. 23 ёшли дарвозабон Бильбао жамоаси билан янги шартномага имзо чекади.
Маълумотларга кўра, “Атлетик” яқинда хавбек Иньяки Уильямс билан янги шартнома имзолади, шунингдек, Кепа билан ҳам янги шартнома имзоланади.
Кепанинг “Реал”га ўтмай қолишига унинг жароҳати ҳам сабаб бўлиши мумкин, дейилади хабарда.
“Атлетик” ёш дарвозабонга яхшигина маош тўлаш билан янги битим таклиф этади. Шунингдек, унинг товон пули 80 миллион еврога кўтарилиши мумкин.
