"Арсенал"нинг ижрочи директори Иван Газидис, клубнинг бош скаути Свен Мислинтат ва бош юрист Хасс Фахми Дортмундда бўлиб туришибди.
Лондонликлар раҳбарияти "Боруссия" билан Пьер-Эмерика Обамеянгнинг трансфери бўйича музокара бошладилар. Ҳозирча, томонлар келишувга эришганлари йўқ, аммо габонлик футболчи "Арсенал"га ўтиш истагини билдириб улгурган.
Дортмундликлар Обамеянгни лондонликлар ҳужумчиси Оливье Жируга алмаштирмоқчилар. Шу тариқа 31 ёшли француз келишувнинг бир қисмига айланиши мумкин.
Аввалроқ, "Арсенал" Обамеянг учун 50 миллион евро бермоқчи эканлиги, "Боруссия" унинг учун 70 миллион евро талаб қилаётгани хабар қилинган эди.