Бугун Испания кубоги доирасида “Барселона” ва “Валенсия” клублари ўзаро тўқнаш келишади.

Бу жамоалар шу пайтга қадар 175 марта тўқнаш келишган: 82 та ўйинда “Барселона” ғалаба қозонган бўлса, 48 та тўқнашувда “Валенсия” зафар қучган, 45 та ўйин дуранг билан тугаган.

Жорий мавсумдаги мазкур жамоаларнинг биринчи тўқнашуви 1:1 ҳисобида якунланган.

“Барселона” 29 марта Испания кубогини қўлга киритган ва 11 марта кубок финалида ютқазган. “Валенсия”ҳисобида эса 7 та Испания кубоги бор, бу клуб 9 марта финалда мағлуб бўлган. Иккала жамоа кубок финалида дастлаб 1952 йилда тўқнаш келишган (“Барселона”нинг 4:2 ҳисобидаги ғалабаси). Кейин яна 1954 йилда (“Валенсия”нинг ғалабаси — 3:0) ва 1971 йилда (“Барселона”нинг ғалабаси — 4:3) тўқнаш келишган.

Тахминий таркиблар:

“Барселона”: Тер Штеген, Семеду, Пике, Умтити, Динь, Коутиньо, Ракитич, Паулиньо, Иньеста, Месси, Л.Суарес.

“Валенсия”: Нето, Монтойя, Гарай, Коклен, Тони Лато, Гайя, Парехо, Гонсалу Гуедеш, Кондогбиа, Санти Мина, Родриго.